யாழ். கரவெட்டியைப் பிறப்பிடமாகவும், சுன்னாகம் ஏழாலை தெற்கு, லண்டன் New Malden ஆகிய இடங்களை வசிப்பிடமாகவும் கொண்டிருந்த வேலுப்பிள்ளை சின்னையா அவர்களின் 1ம் ஆண்டு நினைவஞ்சலி. 

முதலாம் ஆண்டு நினைவு நாள் வந்ததோ?

ஒவ்வொரு நிமிடமும் உன் நினைவுதான் அப்பா!

ஆயிரம் உறவுகள் இருந்தாலும் - அப்பா என

அழைப்பதற்கு நீங்கள் இல்லையே அப்பா!

ஆண்டு ஒன்று கடந்தாலும் ஆறிடுமோ

உங்கள் நினைவலைகள் அப்பா!

கண்ணின் மணி போல் எம்மைக் காத்த

அன்புத் தெய்வமே ஆறிடுமோ எங்கள் துயரம்

வாழ்நாள் முழுவதும் உங்களை

நினைக்கும் போதெல்லாம் உங்கள்

நினைவுத் துளிகள் விழிகளின்

ஓரம் கண்ணீராய் கரைகின்றதப்பா..!!

காலங்கள் போகலாம், காயங்கள் மாறலாம்,

நெஞ்சினில் உள்ள உங்கள் நினைவுகள்

என்றும் நம்மை விட்டு போகாது

உங்கள் நினைவுகளை காலமெல்லாம்

நாங்கள் சுமந்து நிற்போம்

ஆறாத துயரோடு அணையாத

தீபத்தைப்போல் உங்கள் நினைவலைகள்

கலந்த நெஞ்சோடு வாழ்கின்றோம்

மனம் என்றும் ஆறாத்துயரோடு

மீளாத் துயில் கொண்ட உங்கள்

ஆத்மா சாந்தி அடைய

எங்கள் இருகண்ணீர் மலர் தூவி

இறைவனோடு இணைய வேண்டி

அஞ்சலி செய்கின்றோம்......!!!

உங்கள் பிரிவால் வாடும்
 பிள்ளைகள், மருமக்கள், பேரப்பிள்ளைகள்